1
2
3
4
5
6
7
8
9
10
11
12
|
N
|
Seint Gregory seith: "Recommaunde to God the begynnynge and the ende of
alle thi werkes, studye and do peyne to knowe alle thinges, and holde and cheese
[fol. 62r] the beste." And seith: "Povertee is evel, but evell rycchesses ben wers." And seith:
"Loke ye be constaunte and refreyne thyne yre, and take connynge for to lighte
thee instede of a candel, and thenke nat thiself to be that thu arte nat, for thu arte
mortal. Take thiself as for a straungier and loke thu worship straungiers." And
seithe: "Whanne thi shippe is in grete tranquyllitee, thanne loke thu be aferde to
be drownned." And seith: "A man shulde resceive with good cheere alle that God
sendeth him." And seith: "The wrath of goode folkes is bettir to be chosen thanne
the worshipp of evell folkes." And seith: "Use the house of wyse men and nat of the
ryche." And seithe: "Dyspreyse nat a litil thinge, for it maye growe meche and
amende, and endure paciently withoute vengeaunce."
|